G’dichtl zua Urlaubszeit

Diesen Beitrag verbrach FMT am 30. Juli 2009 Kategorie: Erkenntnisse, Satire, Schlimmes | 27 Kommentare

Es is nun wieda soweit,
Urlaubszeit.

Do fahrns mit ernanä rollenden Scheisshauswong
mit 50 Ka-em-ha auf da Landstrass – zum daschlong.
De Hollända mim gäibn Nummandofä
schleichend hoib schlafend an Irschnberg öbä.
Aber eigentlich a ganz normale G’schicht,
hod doch a jeda Hollända fünf Kilo Koks im G’sicht.

Und wia soids a andas sei,
de deppaden Itacker san a mit dabei.
Und als ob Bayern koane G’schwindichkeitschuidl hätte,
schiassns mit Voistoff durch Baustellen und Städte.
Doch a de Ösis san koan Metta bessa,
Brettern wia gstört rum mit 200 aufm G’schwindichkeitsmessa.

Aba do is no a andare Sortn mit dabei…
unsere Freunde aus da Tschechei.
As Autofahren homs ned erfunden,
drahns doch im Kreisl vehement vakehrtrum ihre Runden.
Und scheinbar hom de olle zwoa rechte Händ,
denn i hob no koan droffa der Rechts vor Links kennt…

Wen i mog des san de Kamoppel aus da Schweiz,
Lichtupe, Hupe und Drohgebärden ingorieren – des hod für de scheinbar an Reiz.
De san durch Nix aus da Rua zum bringa,
de konnst sogar gewaltsam von da Strass obädränga…
Ihr fühlts eich cool und erhaben doch seids ihr recht plump,
und eire Daschnmessa san a ziemlichs Klump…

Einzig und allein de Preissn san no zu ertrong,
vasteht ma doch wenigstens hoibad, wos de song.
Fahrn mitm Auto bis vorn Eingang der Oimhüttn,
um sich dann fleissig mit Kaffä und Kucha voizuschüttn.
Dahoam erzäins dann, sie warn an ganzen Dog aufm Berg,
fünf Schritte vom Auto zum Tisch, wia’s sichs für an Preissn hoid g’härd.

I nimm des mittlerweile ois in Kauf,
schließlich führ i mi in Zukunft im Ausland a so auf…

27 Kommentare